"Real" bosh murabbiyi Karlo Anchelotti Chempionlar ligasi 1/8 finalida "Atletiko"ga qarshi javob o‘yini oldidan fikrlarini bildirib o‘tdi.
"Biz yaxshi ishlayapmiz, motivasiyamiz bor. Har doimgidek bu musobaqada shunday bo‘ladi. Oldinda bizni qiyin uchrashuv kutib turibdi va buni bilamiz.
Lekin ishonchimiz komilki, biz uchun o‘zgacha bo‘lgan ushbu turnirda qatnashishda davom etamiz. Joriy mavsum 1/8 final oldingi yillarga qaraganda qiyinroq bo‘ldi, ammo biz kurashni davom ettira olishimizga ishonamiz", dedi Anchelotti jurnalistlarga.
