"PSJ"ning italiyalik darvozaboni Janluidji Donnarumma "Liverpul"ga qarshi javob o‘yinida o‘yindan keyingi seriyada ikkita penaltini qaytarib, qahramonga aylandi.
Parijliklar sardori Markinyos penaltilar seriyasi boshlanganda maydonda yo‘q edi, ammo braziliyalik Donnarummaga yaqinlashib, unga bir necha so‘z aytdi. O‘yindan so‘ng Markinyos italiyalik futbolchiga nima deganini aniq aytdi.
"Penaltidan oldin men unga: Bu o‘yin sen uchun, deb aytgandim. Birinchi o‘yindan keyin u haqida ko‘p gaplar bo‘ldi, bugun u qanchalik muhim ekanini ko‘rsatdi.
Butun o‘yin davomida u juda agressiv tarzda darvozadan chiqib ketdi. U barcha to‘plarda juda faol edi. Bugun u nimaga qodirligini ko‘rsatdi va biz hammamiz u uchun xursandmiz, chunki u ajoyib, biz uning eng yaxshi natijalarni ko‘rsatishini istaymiz. U juda qat’iy bo‘lsa, biz hammamiz xursandmiz, chunki bu bizga haqiqatan ham yordam beradi", dedi Markinyos.
