Bugun Sport vaziri maslahatchisi Sharifjon Momindjanov Buxoro Olimpiya va paralimpiya sport turlariga tayyorlash markazida viloyat Sport boshqarmasi mas’ul xodimlari hamda Sport maktablarining Ommaviy sportni rivojlantirish va seleksiya ishlari bo‘yicha direktor o‘rinbosarlari ishtirokida yig‘ilish o‘tkazdi.
Yig‘ilish davomida "Besh tashabbus olimpiadasi" qamrovini kengaytirish, musobaqalarni yuqori saviyada tashkil etish hamda ommaviy sport tadbirlarini ko‘paytirish masalalari atroflicha muhokama qilindi. Shuningdek, sport sohasidagi mavjud muammolar va ularni bartaraf etish bo‘yicha takliflar tinglandi.
Uchrashuvda mas’ullarga viloyatda sportni ommalashtirish va tizimli ravishda rivojlantirishga qaratilgan muhim topshiriqlar berildi.
