OAV xabarlariga ko‘ra, "Chelsi" va "Arsenal" yozda italiyalik "Atalanta" hujumchisi Mateo Retegini sotib olishga harakat qiladi.

Har ikki klub futbolchini keyingi transfer oynasi uchun o‘z ro‘yxatiga kiritdi. Retegi 2024 yilning yozida 22 million yevro va bonuslar sifatida 3 million yevro evaziga “Atalanta”ga o‘tgan edi. Manbaga ko‘ra, endi hujumchini sotib olish uchun ikki barobar ko‘p pul kerak bo‘ladi.

Mateo Retegi joriy A Seriyada “Atalanta” safida 26 ta o‘yin o‘tkazgan. Ularda u 22 ta gol urishga muvaffaq bo‘ldi. Bu chempionatdagi eng yaxshi natijadir.