Avvalroq Fransiya OAVda «Manchester Yunayted» «Kristal Pelas» hujumchisi Jan-Filipp Matetaga qiziqish bildirayotgani haqida xabarlar tarqalgan edi.
Biroq Football Insider nashri bu ma’lumotni inkor qildi. Manbaga ko‘ra, «qizil iblislar» uchun hujumchi pozisiyasidagi asosiy nomzod – «Bavariya» forvardi Harri Keyn. Shuningdek, klub «Sporting» hujumchisi Viktor Dyekeresh nomzodini ham ko‘rib chiqmoqda. Ammo INEOS kompaniyasi rahbariyati «MYU» tarkibida aynan Keynni ko‘rishni xohlamoqda.
Joriy mavsumda Harri Keyn «Bavariya» safida barcha musobaqalar doirasida 36 ta o‘yin o‘tkazib, 32 ta gol urdi va 11 ta assist qayd etdi. Angliyalik futbolchining myunxenliklar bilan shartnomasi 2027 yil yozigacha amal qiladi. Transfermarkt forvardni 90 million yevroga baholamoqda.













