Аввалроқ Франция ОАВда «Манчестер Юнайтед» «Кристал Пэлас» ҳужумчиси Жан-Филипп Матетага қизиқиш билдираётгани ҳақида хабарлар тарқалган эди.
Бироқ Football Insider нашри бу маълумотни инкор қилди. Манбага кўра, «қизил иблислар» учун ҳужумчи позициясидаги асосий номзод – «Бавария» форварди Ҳарри Кейн. Шунингдек, клуб «Спортинг» ҳужумчиси Виктор Дьекереш номзодини ҳам кўриб чиқмоқда. Аммо INEOS компанияси раҳбарияти «МЮ» таркибида айнан Кейнни кўришни хоҳламоқда.
Жорий мавсумда Ҳарри Кейн «Бавария» сафида барча мусобақалар доирасида 36 та ўйин ўтказиб, 32 та гол урди ва 11 та ассист қайд этди. Англиялик футболчининг мюнхенликлар билан шартномаси 2027 йил ёзигача амал қилади. Transfermarkt форвардни 90 миллион еврога баҳоламоқда.