Superliganing 2-turi doirasida «Neftchi»ga qarshi o‘yindan keyin "Qo‘qon-1912" bosh murabbiyi Bahrom Haydarov matbuot anjumanida qatnashdi.

"Farg‘onaga ham futbol mavsumi kirib keldi. Bu bilan «Neftchi» muxlislarini tabriklayman. Bugun durang bo‘ldi. Ochilish o‘yinida istalgan mezbon jamoa, «Neftchi» ham yutgisi keladi. Istalgan ochilish o‘yinida mezbon jamoa bahs boshida bosim o‘tkazadi. O‘yinga shunday tayyorlandikki, dastlabki 15-20 daqiqalikdagi bosimdan chiqib ketishimiz kerak edi. Birinchi bo‘limda biz shunga erishdik. Ikkinchi bo‘limda esa hisobni ushlab qolishni o‘yladik shekilli, o‘yin yakuni arafasida himoyada o‘ynadik. «Neftchi»da bir qancha vaziyatlar bo‘ldi. Lekin darvozamizni goldan saqlay oldik. Shunday bo‘lsada, durangga haqli edik deb hisoblayman", - deb fikr bildirdi qo‘qonliklar ustozi.