"Neftchi" bosh murabbiyi Vitaliy Levchenko Superliganing 2-turi doirasida bo‘lib o‘tgan "Qo‘qon-1912" klubiga qarshi o‘yindan keyin o‘z fikrlar bilan o‘rtoqlashdi.

"Bugungi bahs haqiqiy jangovor ruhda o‘tdi. Ikki jamoa ham bir-biriga munosib raqib ekanini ko‘rsatdi – maydonda qattiq kurash, yuqori shiddat va g‘alabaga bo‘lgan ulkan istak hukm surdi.  

Biroq, afsuski, o‘yinda gol ko‘rmadik. Bu kabi o‘yinlarda birgina urilgan gol ham hammani xursand qilishi va g‘olibni aniqlab berishi mumkin edi. Shunga qaramay, o‘yin davomidagi shiddat va intriga tomoshabinlarga haqiqiy his-tuyg‘ular bera oldi. Gollar yetishmadi, lekin futbolning go‘zalligi va kurashga to‘la ruhi baribir his etildi", — dedi Levchenko.