Madridning "Atletiko" klubi futbolchisi Markos Lyorente jamoasining "Barselona"ga (2:4) qarshi o‘yindagi muvaffaqiyatsizligini izohladi.

"G‘alati o‘yin. Birinchi bo‘limni ajoyib o‘tkazdik, o‘yinni nazorat qildik, ikkita golga oldinga chiqib oldik. Yaqinda Chempionlar Ligasida "Real"ga qarshi o‘yin bizga ta’sir qildi - o‘yin oxirida parchalana boshladik. "Barselona" futbolchilari hujumlarni yakunlashda juda yaxshi. Eng oxirida hisobni tenglashtirishga jon-jahdimiz bilan urindik, ammo to‘rtinchisini o‘tkazib yubordik," - dedi Lyorente intervyuda.