Fransiya chempionatining 26-tur bahslari o‘tkazildi va uning markaziy o‘yini doirasida “PSJ” – “Marsel” uchrashuvi bo‘lib o‘tdi.

Parijliklar o‘z raqiblarini 3:1 hisobida mag‘lub etishdi. "PSJ" futbolchisi Fabian Ruis uchun bu o‘z klubi tarkibida chempionatdagi qatorasiga qirq sakkizinchi o‘yin bo‘ldi va u ushbu bahslarning birortasida mag‘lub bo‘lmagan.

Fabian shu tariqa, klub tarixidagi braziliyalik Markinyosga tegishli bo‘lgan va 2014-yilning mayidan 2016-yilning martigacha o‘rnatilgan bu boradagi seriyani takrorladi.

Yana bitta o‘yin Ruisni rekordning yagona egasiga aylantiradi. “PSJ” navbatdagi o‘yinda “Sent-Etyen”ga qarshi maydonga tushadi.