Madridning "Real" klubi markaziy himoyachisi Raul Asensio Ispaniya terma jamoasiga ilk chaqiruv haqida qanday xabar topgani haqida gapirib berdi.
"Qizil furiya" yetakchisi Luis de la Fuente 22 yoshli futbolchini mart oyida bo‘lib o‘tadigan Millatlar ligasi o‘yinlariga taklif qildi. Markaziy himoyachining debyuti payshanba kuni bo‘lib o‘tishi mumkin, o‘shanda ispanlar Millatlar ligasida Niderlandiyaga qarshi o‘ynaydi.
"Mashg‘ulotlar vaqtida Karlo Anchelotti meni Ispaniya terma jamoasiga chaqirishganini aytdi. Jamoadoshlarim meni qanday tabriklashganini tasavvur qila olasizmi? Bu juda yoqimli bo‘ldi," - deya "qaymoqranglilar" futbolchisining so‘zlarini keltiradi Madrid Xtra.
