Angliya premyer-ligasi matbuot xizmati “Chelsi” himoyachisi Uesli Fofanaga nisbatan qo‘llangan irqchilikka asoslangan haqoratlar yuzasidan bayonot berdi.
“Aristokratlar” “Arsenal”ga qarshi APLning 29-tur uchrashuvida mag‘lubiyatga uchradi (0:1). O‘yindan so‘ng londonlik muxlislar fransiyalik futbolchini irqiga ishora qilib, kamsitishdi. Liga ushbu vaziyatni quyidagicha izohlaydi:
“Premyer-liga Fofanaga qaratilgan haqoratdan so‘ng dahshatga tushdi. Uesli va uning klubiga qo‘limizdan kelgan barcha yordamni beramiz. Biz turli ijtimoiy media platformalari orqali jabrlangan har bir futbolchini o‘z himoyamizga olamiz va bu borada aybdor deb topilgan har bir kishining qattiq jazolanishini ta’minlash uchun harakatni kuchaytiramiz”, deyiladi APL bayonotida.
Eslatib o‘tamiz, 29-tur natijalariga ko‘ra, “Chelsi” APL turnir jadvalida to‘rtinchi o‘rinni egallab turibdi.
