Англия премьер-лигаси матбуот хизмати “Челси” ҳимоячиси Уэсли Фофанага нисбатан қўлланган ирқчиликка асосланган ҳақоратлар юзасидан баёнот берди.
“Аристократлар” “Арсенал”га қарши АПЛнинг 29-тур учрашувида мағлубиятга учради (0:1). Ўйиндан сўнг лондонлик мухлислар франциялик футболчини ирқига ишора қилиб, камситишди. Лига ушбу вазиятни қуйидагича изоҳлайди:
“Премьер-лига Фофанага қаратилган ҳақоратдан сўнг даҳшатга тушди. Уэсли ва унинг клубига қўлимиздан келган барча ёрдамни берамиз. Биз турли ижтимоий медиа платформалари орқали жабрланган ҳар бир футболчини ўз ҳимоямизга оламиз ва бу борада айбдор деб топилган ҳар бир кишининг қаттиқ жазоланишини таъминлаш учун ҳаракатни кучайтирамиз”, дейилади АПЛ баёнотида.
Эслатиб ўтамиз, 29-тур натижаларига кўра, “Челси” АПЛ турнир жадвалида тўртинчи ўринни эгаллаб турибди.
