Sport gimnastikasi bo‘yicha olti karra Olimpiada chempioni, yaponiyalik Akinori Nakayama 83 yoshida vafot etdi. Bu haqda Yaponiya gimnastika assosiasiyasi saytida xabar berildi.
Nakayamaning o‘limiga oshqozon saratoni sabab bo‘lgan.
Nakayama 1968 yilda Mexiko shahrida bo‘lib o‘tgan o‘yinlarda to‘rtta oltin medalni (halqalar, parallel panjaralar, baland bar, jamoaviy ko‘pkurash) va 1972 yilda Myunxendagi Olimpiadada (halqalar, jamoa) yana ikkita oltin medalni qo‘lga kiritdi. Shuningdek, uning hisobida yana ikkita kumush va ikkita bronza medali bor.
Bundan tashqari, Nakayama jahon chempionatlarida 12 ta medal, jumladan, 7 ta oltin medalni qo‘lga kiritdi.
2005 yilda Nakayama Butunjahon gimnastika shon-shuhrat zaliga kiritildi.
