«Barselona» vingeri Lamin Yamal "ko‘k-anorranglilar" va «Real» o‘rtasidagi ehtimoliy Chempionlar Ligasi finali haqida o‘z fikrini bildirdi.

«Agar biz finalga chiqsak, raqibning kim ekani men uchun ahamiyatga ega bo‘lmaydi. Lekin, agar u «Real» bo‘lsa, bu uchrashuvni yanada o‘ziga xos o‘yinga aylantiradi. Bu noyob holat bo‘lar edi va bizga juda yoqar edi», — deydi Yamalning so‘zlarini AS nashri keltirmoqda.

17 yoshli Yamalning amaldagi shartnomasi «Barselona» bilan 2026 yil yoziga qadar mo‘ljallangan. Joriy mavsumda u kataloniyalik klub safida 36 ta uchrashuvda maydonga tushib, 11 ta gol va 14 ta golli uzatmani amalga oshirgan. Transfermarkt ma’lumotlariga ko‘ra, futbolchining bozor qiymati 180 million yevroni tashkil etadi.