Madridning "Real" klubi hujumkor yarim himoyachisi Arda Gyuler klubdagi hozirgi rolidan norozi. Bu haqda Relevo xabar bermoqda.

Shu bilan birga, ta’kidlanishicha, "Real" murabbiylar shtabida futbolchiga ko‘proq o‘yin amaliyoti bermaslik uchun sabablar bor, ulardan biri - Gyulerning mashg‘ulotlar jarayonidagi ishonchsizligi.

Joriy mavsumda 20 yoshli turkiyalik futbolchi barcha musobaqalarda 30 ta o‘yinda maydonga tushib, 3 ta gol urdi va 5 ta golga hammualliflik qildi.

Gyulerning "Real" bilan mehnat shartnomasi 2029 yilning yozigacha mo‘ljallangan. Transfermarkt ekspertlari futbolchining narxini 45 million yevroga baholamoqda.