Мадриднинг "Реал" клуби ҳужумкор ярим ҳимоячиси Арда Гюлер клубдаги ҳозирги ролидан норози. Бу ҳақда Relevo хабар бермоқда.
Шу билан бирга, таъкидланишича, "Реал" мураббийлар штабида футболчига кўпроқ ўйин амалиёти бермаслик учун сабаблар бор, улардан бири - Гюлернинг машғулотлар жараёнидаги ишончсизлиги.
Жорий мавсумда 20 ёшли туркиялик футболчи барча мусобақаларда 30 та ўйинда майдонга тушиб, 3 та гол урди ва 5 та голга ҳаммуаллифлик қилди.
Гюлернинг "Реал" билан меҳнат шартномаси 2029 йилнинг ёзигача мўлжалланган. Transfermarkt экспертлари футболчининг нархини 45 миллион еврога баҳоламоқда.
