Massimiliano Allegri yana "Milan"da ishlashga tayyor.
La Gazzetta dello Sport nashrining ta’kidlashicha, murabbiy uchun klubga qaytish varianti jozibali ko‘rinmoqda. 57 yoshli mutaxassis Serjiu Konseysau ixtiyoridagi tarkibni "qiziqarli" deb hisoblamoqda. Shu bilan birga, Allegri uchun klubda qanday rol o‘ynashini, kelgusi yillarda loyiha qanday bo‘lishini tushunish muhim.
Qayd etilishicha, Massimiliano bir necha kun oldin klub bosh direktori Jorjo Furlani bilan qo‘ng‘iroqlashgan, ammo ular "Milan"dagi ishini muhokama qilishmagan.
Allegri 2010-2014 yillarda "rossonerilar"ni boshqargan va jamoa bilan Italiya chempionati va Superkubogini qo‘lga kiritgan.
