Массимилиано Аллегри яна "Милан"да ишлашга тайёр.
La Gazzetta dello Sport нашрининг таъкидлашича, мураббий учун клубга қайтиш варианти жозибали кўринмоқда. 57 ёшли мутахассис Сержиу Консейсау ихтиёридаги таркибни "қизиқарли" деб ҳисобламоқда. Шу билан бирга, Аллегри учун клубда қандай роль ўйнашини, келгуси йилларда лойиҳа қандай бўлишини тушуниш муҳим.
Қайд этилишича, Массимилиано бир неча кун олдин клуб бош директори Жоржо Фурлани билан қўнғироқлашган, аммо улар "Милан"даги ишини муҳокама қилишмаган.
Аллегри 2010-2014 йилларда "россонерилар"ни бошқарган ва жамоа билан Италия чемпионати ва Суперкубогини қўлга киритган.
