"Liverpul" kelasi yozda Muhammad Saloh, Virjil van Deyk va Trent Aleksandr-Arnoldni yo‘qotadi. Uchala futbolchining ham shartnomasi iyul oyida o‘z nihoyasiga yetadi. Fichajes portali ma’lumotiga ishonadigan bo‘lsak, bu uchlik ham Chempionlar Ligasining 1/8 final bosqichidan chiqib ketgani tufayli tushkunlikka tushib qolgan. Misrlik, niderlandiyalik va angliyalik futbolchi "qizillar" safini erkin agent sifatida tark etadi.
Salohga Saudiya Arabistoni chempionati vakillari qiziqish bildirmoqda. Mish-mishlarga ko‘ra, "Al-Hilol" da’vogarlik qilayotgan van Deyk ham u yerga borishi mumkin, ammo mersisaydliklarning hozirgi sardorida "Bavariya" va "PSJ" variantlari ham bor. Aleksandr-Arnold katta ehtimol bilan Madridning "Real" klubiga borib qoladi.
