"Ливерпуль" келаси ёзда Муҳаммад Салоҳ, Виржил ван Дейк ва Трент Александр-Арнольдни йўқотади. Учала футболчининг ҳам шартномаси июль ойида ўз ниҳоясига етади. Fichajes портали маълумотига ишонадиган бўлсак, бу учлик ҳам Чемпионлар Лигасининг 1/8 финал босқичидан чиқиб кетгани туфайли тушкунликка тушиб қолган. Мисрлик, нидерландиялик ва англиялик футболчи "қизиллар" сафини эркин агент сифатида тарк этади.
Салоҳга Саудия Арабистони чемпионати вакиллари қизиқиш билдирмоқда. Миш-мишларга кўра, "Ал-Ҳилол" даъвогарлик қилаётган ван Дейк ҳам у ерга бориши мумкин, аммо мерсисайдликларнинг ҳозирги сардорида "Бавария" ва "ПСЖ" вариантлари ҳам бор. Александр-Арнольд катта эҳтимол билан Мадриднинг "Реал" клубига бориб қолади.
