"Bornmut" vingeri, 25 yoshli Antuan Semenyo Angliyaning yetakchi klublarining qisqa-ro‘yxatidan joy olgan. Bu haqda Africa Foot xabar bermoqda.

"Manchester Yunayted" futbolchiga qiziqayotgan "Chelsi" va "Tottenxem"ni ortda qoldirib, "Bornmut" uchun 40 million yevro miqdoridagi birinchi taklifni berishga tayyorligi aytilmoqda.

Qayd etilishicha, "Bornmut"ning o‘zi futbolchini sotishdan 50 million yevro atrofida daromad olmoqchi. Semenyo joriy mavsumda barcha turnirlarda 32 ta o‘yin o‘tkazib, 9 ta gol urdi va 5 ta golli uzatmani amalga oshirdi. Futbolchining "Bornmut" bilan amaldagi shartnomasi 2029 yilning yoziga qadar tuzilgan.