"Борнмут" вингери, 25 ёшли Антуан Семеньо Англиянинг етакчи клубларининг қисқа-рўйхатидан жой олган. Бу ҳақда Africa Foot хабар бермоқда.
"Манчестер Юнайтед" футболчига қизиқаётган "Челси" ва "Тоттенхэм"ни ортда қолдириб, "Борнмут" учун 40 миллион евро миқдоридаги биринчи таклифни беришга тайёрлиги айтилмоқда.
Қайд этилишича, "Борнмут"нинг ўзи футболчини сотишдан 50 миллион евро атрофида даромад олмоқчи. Семеньо жорий мавсумда барча турнирларда 32 та ўйин ўтказиб, 9 та гол урди ва 5 та голли узатмани амалга оширди. Футболчининг "Борнмут" билан амалдаги шартномаси 2029 йилнинг ёзига қадар тузилган.
