"Manchester Yunayted" tarkibini kuchaytirish imkoniyatlarini o‘rganmoqda. TodoFichajes nashri tarqatgan xabarga ko‘ra "qizil iblislar" "Sanderlend" yarim himoyachisi Job Bellingemga qiziqish bildirmoqda. Mankunianliklar yosh futbolchini faol kuzatib borishmoqda - klub skautlari kichik Bellingemning Chempionshipdagi bir qator o‘yinlarini tomosha qilishdi.
Shu bilan birga, ta’kidlanishicha, 19 yoshli Bellingem Angliyaning boshqa klublari, jumladan, "Arsenal"ning ham radarida turibdi.
Nufuzli Transfermarkt portali Job Bellingemni 18 million yevroga baholamoqda. Yosh yarim himoyachining "Sanderlend" bilan amaldagi shartnomasi 2028 yilning yarmigacha mo‘ljallangan.
