Londonning "Arsenal" klubi yarim himoyachisi Martin Edegor hujumchilar Erling Xoland va Aleksandr Isak haqida qanday fikrda ekanini aytdi.
"Kanonirlar" sardori Norvegiya terma jamoasida "Manchester Siti" yulduzi bilan o‘ynaydi, "Nyukasl"dagi shvesiyalik bilan esa "Real Sosyedad"da birga faoliyat olib borgan.
"Xoland va Isak raqib jarima maydoni ichida va uning yonida juda xavfli, ko‘p gol urishadi. Ular bir-biridan o‘yin uslubi bilan farq qiladi, lekin ikkalasi ham goleador sifatida juda yaxshi.
Ikkalasi bilan o‘ynash baxtiga muyassar bo‘lganman. Erlingning doimiy rekordlari o‘zi haqida gapiradi, ammo Aleksandr ham ajoyib o‘yinchi, u ajoyib mavsum o‘tkazmoqda," - deya Edegorning so‘zlarini keltiradi ingliz OAV.
