Лондоннинг "Арсенал" клуби ярим ҳимоячиси Мартин Эдегор ҳужумчилар Эрлинг Холанд ва Александр Исак ҳақида қандай фикрда эканини айтди.
"Канонирлар" сардори Норвегия терма жамоасида "Манчестер Сити" юлдузи билан ўйнайди, "Ньюкасл"даги швециялик билан эса "Реал Сосьедад"да бирга фаолият олиб борган.
"Холанд ва Исак рақиб жарима майдони ичида ва унинг ёнида жуда хавфли, кўп гол уришади. Улар бир-биридан ўйин услуби билан фарқ қилади, лекин иккаласи ҳам голеадор сифатида жуда яхши.
Иккаласи билан ўйнаш бахтига муяссар бўлганман. Эрлингнинг доимий рекордлари ўзи ҳақида гапиради, аммо Александр ҳам ажойиб ўйинчи, у ажойиб мавсум ўтказмоқда," - дея Эдегорнинг сўзларини келтиради инглиз ОАВ.
