Juma kuni nufuzli "Transfermarkt" portali sahifalarida Ispaniya chempionatidagi ayrim futbolchilarning narxlari yangilandi. Eng qimmatlashgan futbolchi "Real" himoyachisi Raul Asensio bo‘ldi. Ilgari 22 yoshli futbolchi 7,5 million yevroga baholangan bo‘lsa, endi 30 millionga baholanmoqda. Demak, Asensio 22,5 million yevroga, 300 foizga qimmatlashdi!
Ikkinchi eng qimmatlashgan futbolchi "Barselona" yarim himoyachisi Pedri bo‘ldi. Uning narxi 20 million yevroga oshib, 120 millionga yetdi. Eng ko‘p qimmatlashgan uchlikni "Atletiko" futbolchisi Juliano Simeone yakunlab berdi. Uning narxiga 13 million yevro qo‘shildi - endi futbolchi 25 millionga baholanmoqda.
