"Barselona" 28 yoshli himoyachi Andreas Kristensen bilan shartnomasi 2026 yilning 30 iyuniga qadar tuzilganiga qaramay, shu yozda xayrlashmoqchi. Bu haqda Marca xabar bermoqda.

Manbaga ko‘ra, Kataloniya klubi uchun jarohatlar tufayli mavsumning asosiy qismini o‘tkazib yuborgan Kristensen yozgacha bir necha bor maydonga tushishga muvaffaq bo‘lishi muhim. "Ko‘k-anorranglilar" potensial xaridorlarga daniyalik futbolchining yuqori saviyada o‘ynash qobiliyatini ko‘rsatmoqchi. Shu bilan birga, "Barselona" Kristensen ko‘rsatgan professionallik darajasidan mamnun.

"Barselona" "Bayer"ning markaziy himoyachisi Jonatan Tani 28 yoshli futbolchiga o‘rinbosar sifatida ko‘rmoqda. Kataloniyaliklar nemis futbolchisini yozgi transfer oynasida sotib olmoqchi.

Eslatib o‘tamiz, 2024 yil avgust oyi boshida Kristensen chap oyog‘idagi Axilles tendinopatiyasi tufayli safdan chiqqan edi. Bu mavsumda u bitta o‘yinda qatnashdi. Transfermarkt portalida berilgan ma’lumotlarga ko‘ra, futbolchining bozor qiymati 15 million yevroni tashkil qiladi.