"Барселона" 28 ёшли ҳимоячи Андреас Кристенсен билан шартномаси 2026 йилнинг 30 июнига қадар тузилганига қарамай, шу ёзда хайрлашмоқчи. Бу ҳақда Marca хабар бермоқда.
Манбага кўра, Каталония клуби учун жароҳатлар туфайли мавсумнинг асосий қисмини ўтказиб юборган Кристенсен ёзгача бир неча бор майдонга тушишга муваффақ бўлиши муҳим. "Кўк-анорранглилар" потенциал харидорларга даниялик футболчининг юқори савияда ўйнаш қобилиятини кўрсатмоқчи. Шу билан бирга, "Барселона" Кристенсен кўрсатган профессионаллик даражасидан мамнун.
"Барселона" "Байер"нинг марказий ҳимоячиси Жонатан Тани 28 ёшли футболчига ўринбосар сифатида кўрмоқда. Каталонияликлар немис футболчисини ёзги трансфер ойнасида сотиб олмоқчи.
Эслатиб ўтамиз, 2024 йил август ойи бошида Кристенсен чап оёғидаги Ахиллес тендинопатияси туфайли сафдан чиққан эди. Бу мавсумда у битта ўйинда қатнашди. Transfermarkt порталида берилган маълумотларга кўра, футболчининг бозор қиймати 15 миллион еврони ташкил қилади.
