Erik-Maksim Shupo-Moting "Bavariya"ning joriy mavsumdagi istiqbollarini yuqori baholadi.
"Albatta, bu mavsumda ularni kuzatib turibman. Kompani o‘z ishini a’lo darajada uddalayapti, deb o‘ylayman. Ishonchim komilki, ular o‘z o‘yinlari va rotasiyasi bilan Bundesligada g‘alaba qozonishadi - imkoniyatga ega bo‘lgan har bir futbolchi g‘alabaga chanqoq. Bu muhim.
O‘ylaymanki, ular nafaqat chempion bo‘lishadi, balki Chempionlar Ligasida ham ko‘p narsaga erisha olishadi. Umid qilamanki, yozda klublar o‘rtasidagi jahon chempionatida ham ancha uzoqqa borishadi. Yarim final va final shu yerda, Nyu-Yorkda bo‘lib o‘tadi," - dedi hozirda "Nyu-York Red Bulls" sharafini himoya qilayotgan hujumchi.
