Эрик-Максим Шупо-Мотинг "Бавария"нинг жорий мавсумдаги истиқболларини юқори баҳолади.
"Албатта, бу мавсумда уларни кузатиб турибман. Компани ўз ишини аъло даражада уддалаяпти, деб ўйлайман. Ишончим комилки, улар ўз ўйинлари ва ротацияси билан Бундеслигада ғалаба қозонишади - имкониятга эга бўлган ҳар бир футболчи ғалабага чанқоқ. Бу муҳим.
Ўйлайманки, улар нафақат чемпион бўлишади, балки Чемпионлар Лигасида ҳам кўп нарсага эриша олишади. Умид қиламанки, ёзда клублар ўртасидаги жаҳон чемпионатида ҳам анча узоққа боришади. Ярим финал ва финал шу ерда, Нью-Йоркда бўлиб ўтади," - деди ҳозирда "Нью-Йорк Ред Буллс" шарафини ҳимоя қилаётган ҳужумчи.
