"Chelsi" "Manchester Yunayted"dan Jeydon Sanchoni sotib olish majburiyatidan voz kechishi mumkin.
Londonliklar vingerni keyinchalik sotib olish majburiyati bilan joriy mavsum oxirigacha ijaraga olgan, ammo futbolchi baribir "qizil iblislar" safiga qaytishi mumkin. "Ko‘klar" futbolchini to‘liq sotib olishdan voz kechish haqida o‘ylamoqda. Jurnalist Devid Ornshteynning yozishicha, "Chelsi" Sanchoni ortga qaytarish uchun "Manchester Yunayted"ga 5 mln funt (deyarli 6 mln yevro) to‘lashi kerak bo‘ladi, sotib olish esa 25 mln funt (taxminan 30 mln yevro) ga tushadi.
24 yoshli futbolchi Enso Mareska jamoasi safida 29 ta o‘yinda maydonga tushib, 2 ta gol va 6 ta golli uzatmaga mualliflik qilgan.
