"Челси" "Манчестер Юнайтед"дан Жэйдон Санчони сотиб олиш мажбуриятидан воз кечиши мумкин.

Лондонликлар вингерни кейинчалик сотиб олиш мажбурияти билан жорий мавсум охиригача ижарага олган, аммо футболчи барибир "қизил иблислар" сафига қайтиши мумкин. "Кўклар" футболчини тўлиқ сотиб олишдан воз кечиш ҳақида ўйламоқда. Журналист Дэвид Орнштейннинг ёзишича, "Челси" Санчони ортга қайтариш учун "Манчестер Юнайтед"га 5 млн фунт (деярли 6 млн евро) тўлаши керак бўлади, сотиб олиш эса 25 млн фунт (тахминан 30 млн евро) га тушади.

24 ёшли футболчи Энцо Мареска жамоаси сафида 29 та ўйинда майдонга тушиб, 2 та гол ва 6 та голли узатмага муаллифлик қилган.