Danilo Pep Gvardiola uni qanday qilib to‘g‘ri o‘ynashga o‘rgatganini aytdi.

"Pep Gvardiola o‘z futbolchilariga dars beradi. Bu uning ishidagi eng muhim narsa. U barcha futbolchilarni futbol haqida bir xil fikrlashga majbur qiladi. Vaqt, makon, harakat, to‘pga egalik qilish, u bilan ishlash.

U sizni maydondagi bo‘sh joyni boshqa murabbiylarga qaraganda yaxshiroq tushunishga yordam beradi.

Gvardiola "miyamni yuvdi", lekin yaxshi ma’noda. Men universitetda o‘qiyotgandek edim. U bilan ishlaganimda boshdan kechirganlarim o‘z darajamni oshirishga va shu kungacha saqlab qolishga imkon berdi.

Agar men u bilan oldinroq uchrashganimda, u mening hayotimni ancha osonlashtirgan bo‘lardi. Uning qo‘l ostida o‘ynaganimdan va undan ko‘p narsani o‘rganganimdan juda xursandman", - deydi "Flamengo"da o‘ynayotgan "Manchester Siti"ning sobiq himoyachisi.