CaughtOffside nashri tarqatgan xabarga ko‘ra Manchester shahrining ikki grandi yozda o‘zlariga yangi darvozabon qidirishadi. Bundan tashqari, ular bir o‘yinchi uchun raqobatlashadi.

Manbalarga ko‘ra, "Antverpen"ning belgiyalik 22 yoshli darvozaboni Sen Lammens Yevropa va APLning bir qator klublari radariga tushib qolgan. Ular orasida "Manchester Siti" va "Manchester Yunayted" bor.

"Siti" Lammensni Edersonning kelajagi noaniqligini inobatga olib, uning o‘rnini egallashi mumkin bo‘lgan futbolchi sifatida baholamoqda. Ular uni Stefan Ortega uchun yosh raqobatchi sifatida ko‘rishadi. Ruben Amorim esa Onananing joriy mavsum "MYU"dagi o‘yinlaridan qoniqmayapti va yangi darvozabon topmoqchi. Qayd etilishicha, "Antverpen" Lammens uchun taxminan 20-25 million yevro talab qilmoqda.

Qo‘shimcha qilamizki, 22 yoshli darvozabon joriy mavsum "Antverpen" safida barcha musobaqalarda 33 ta o‘yinda maydonga tushib, 36 ta gol o‘tkazib yuborgan va 7 marta o‘z darvozasini daxlsiz saqlab qolgan.