Belgiyalik mashhur himoyachi Yan Vertongen mavsum yakunida 37 yoshida futbolchilik faoliyatini yakunlaydi. Bu haqda Yanning o‘zi ijtimoiy tarmoqda ma’lum qildi.

"Ko‘p o‘yladim va bu faoliyatimdagi so‘nggi o‘yinlarim bo‘ladi, degan qarorga keldim. Men ko‘p narsaga erishdim, bu oson bo‘lmagan, ammo to‘g‘ri qaror edi," - deb yozadi Vertongen.

Eslatib o‘tamiz, Vertongen 2024 yilning yozida Belgiyaning "Anderlext" klubi bilan shartnomasini yana bir mavsumga uzaytirdi. Bungacha Yan faoliyatida "Ayaks," Londonning "Tottenxem" va Lissabonning "Benfika" klublari bo‘lgan. U "shporlar" safida 2012 yildan 2020 yilgacha sakkiz yil davomida o‘ynagan.

Vertongen, shuningdek, Belgiya terma jamoasi safida o‘tkazilgan o‘yinlar soni bo‘yicha rekordchi bo‘lib, u 157 ta o‘yin o‘tkazgan.