Бельгиялик машҳур ҳимоячи Ян Вертонген мавсум якунида 37 ёшида футболчилик фаолиятини якунлайди. Бу ҳақда Яннинг ўзи ижтимоий тармоқда маълум қилди.
"Кўп ўйладим ва бу фаолиятимдаги сўнгги ўйинларим бўлади, деган қарорга келдим. Мен кўп нарсага эришдим, бу осон бўлмаган, аммо тўғри қарор эди," - деб ёзади Вертонген.
Эслатиб ўтамиз, Вертонген 2024 йилнинг ёзида Бельгиянинг "Андерлехт" клуби билан шартномасини яна бир мавсумга узайтирди. Бунгача Ян фаолиятида "Аякс," Лондоннинг "Тоттенхэм" ва Лиссабоннинг "Бенфика" клублари бўлган. У "шпорлар" сафида 2012 йилдан 2020 йилгача саккиз йил давомида ўйнаган.
Вертонген, шунингдек, Бельгия терма жамоаси сафида ўтказилган ўйинлар сони бўйича рекордчи бўлиб, у 157 та ўйин ўтказган.
