"Roma" bosh murabbiyligi uchun short-listda Jan Pyero Gasperini, Vinchenso Montella, Massimiliano Allegri va Maurisio Sarri bor, deya xabar bermoqda insayder Nikolo Skira.
Klub iyun oyidan boshlab ularning nomzodlarini ko‘rib chiqadi.
Eslatib o‘tamiz, Klaudio Ranyeri mavsum yakuniga qadar rimliklar bosh murabbiyi sifatida ishlaydi, keyin esa jamoaning ijrochi direktori lavozimiga o‘tadi. 73 yoshli italiyalik mutaxassis klub xo‘jayinining barcha sport masalalari bo‘yicha maslahatchisi bo‘ladi, shuningdek, yangi bosh murabbiy topishda yordam beradi.
Avvalroq, "Roma" xo‘jayini Den Fridkin klub bosh murabbiyi Klaudio Ranyerini keyingi mavsumda ham o‘z lavozimida qolishga ko‘ndirish ustida ish olib borayotgani haqida xabarlar tarqalgan edi.
"Roma" ayni damda A Seriyada 7-o‘rinda bormoqda.
