"Рома" бош мураббийлиги учун шорт-листда Жан Пьеро Гасперини, Винченцо Монтелла, Массимилиано Аллегри ва Маурицио Сарри бор, дея хабар бермоқда инсайдер Николо Скира.
Клуб июнь ойидан бошлаб уларнинг номзодларини кўриб чиқади.
Эслатиб ўтамиз, Клаудио Раньери мавсум якунига қадар римликлар бош мураббийи сифатида ишлайди, кейин эса жамоанинг ижрочи директори лавозимига ўтади. 73 ёшли италиялик мутахассис клуб хўжайинининг барча спорт масалалари бўйича маслаҳатчиси бўлади, шунингдек, янги бош мураббий топишда ёрдам беради.
Аввалроқ, "Рома" хўжайини Дэн Фридкин клуб бош мураббийи Клаудио Раньерини кейинги мавсумда ҳам ўз лавозимида қолишга кўндириш устида иш олиб бораётгани ҳақида хабарлар тарқалган эди.
"Рома" айни дамда А Серияда 7-ўринда бормоқда.
