"Vilyarreal" "Real"ning xorvatiyalik yarim himoyachisi Luka Modrichga qiziqish bildirmoqda. Bu haqda Defensa Central xabar bermoqda.

Qayd etilishicha, futbolchi kelajagi borasida yakuniy qarorga kelmagan. Xorvatiyalik uchun ustuvorlik - "Real"da qolish, ammo tomonlar hali yangi shartnoma borasida kelishib olgani yo‘q. "Vilyarreal" Modrich atrofidagi vaziyatni kuzatib bormoqda.

Manbaga ko‘ra, xorvatiyalik futbolchining "Real"dagi o‘rni borasida ikkilanishlari uni jamoasini o‘zgartirishga undashi mumkin. Luka Modrich "Real" safida jami 579 ta o‘yin o‘tkazgan. Ularda 43 ta gol urib, 93 ta golli uzatmani amalga oshirdi.