Ruminiya terma jamoasi bosh murabbiyi Mircha Luchesku terma jamoani tark etish bilan tahdid qildi. Bunday munosabatga jamoaning JCH-2026 saralashining birinchi o‘yinida Bosniya va Gersegovinadan uchralgan mag‘lubiyatidan (0:1) so‘ng matbuotdagi tanqidlar sabab bo‘ldi.
San-Marino ustidan qozonilgan g‘alabadan so‘ng (5:1) Luchesku jurnalistlarga istalgan vaqtda terma jamoani tark etishga tayyorligini aytdi.
"Men hech kimga jahl qila olmaydigan yoshdaman. Men yordam berish uchun keldim. Agar shunday davom etsa, istalgan vaqtda muammosiz ketishim mumkin. Futbolchilar ba’zi salbiy odatlarni o‘zgartirishi kerak.
Bu jamoa ajoyib fidoyilik tufayli natijalarga erishdi. Bu yetarli emas, biz o‘ynashimiz va raqiblarimiz ustidan ustunlik qilishimiz kerak. Raqobatbardosh jamoa bo‘lish uchun ustunlik qilish, to‘pga ega bo‘lish kerak", - dedi Mircha.
