"Inter" yarim himoyachisi Genrix Mxitaryan jamoadagi kelajagi haqida gapirdi.

"Faoliyatimni "Inter"dagi kabi yuqori saviyada yakunlamoqchiman, mavsum yakunida esa yana bir yil davom ettirish yoki ketishni ko‘ramiz. Biz hali bir qarorga kelganimiz yo‘q, lekin hozir "Inter"da baxtiyorman va shu yerda qolishni istardim.

Ko‘ramiz, men shartnomani 2027 yilgacha uzaytirmoqchiman, lekin bu tanamga ham bog‘liq. Agar men o‘zimni yaxshi boshqara olsam va ko‘rsatayotgan darajamni saqlay olsam. Keyin hal qilamiz," - dedi Mxitaryan Sky Sport nashriga bergan intervyusida.

Uning klub bilan shartnomasi 2026 yilning yozigacha mo‘ljallangan.

Joriy mavsumda 36 yoshli futbolchi 37 ta o‘yinda maydonga tushib, 1 ta gol urdi va 3 ta golli uzatmani amalga oshirdi.