"Интер" ярим ҳимоячиси Генрих Мхитарян жамоадаги келажаги ҳақида гапирди.
"Фаолиятимни "Интер"даги каби юқори савияда якунламоқчиман, мавсум якунида эса яна бир йил давом эттириш ёки кетишни кўрамиз. Биз ҳали бир қарорга келганимиз йўқ, лекин ҳозир "Интер"да бахтиёрман ва шу ерда қолишни истардим.
Кўрамиз, мен шартномани 2027 йилгача узайтирмоқчиман, лекин бу танамга ҳам боғлиқ. Агар мен ўзимни яхши бошқара олсам ва кўрсатаётган даражамни сақлай олсам. Кейин ҳал қиламиз," - деди Мхитарян Sky Sport нашрига берган интервьюсида.
Унинг клуб билан шартномаси 2026 йилнинг ёзигача мўлжалланган.
Жорий мавсумда 36 ёшли футболчи 37 та ўйинда майдонга тушиб, 1 та гол урди ва 3 та голли узатмани амалга оширди.
