Calcio Mercato xabariga ko‘ra, "Inter" o‘z tarkibini yoshartirmoqchi va klubning yangi xo‘jayini bu strategiyani qo‘llab-quvvatlamoqda. "Inter" oldidagi asosiy vazifalardan biri yarim himoya chizig‘ini yangilash. Chalxanoglu va Mxitaryan qarigan, Frattezi va Aslani jamoani tark etishi mumkin.

Shu bois “Inter” “Manchester Yunayted”dan Kobbi Maynuni sotib olishga urinib ko‘rishi mumkin. Futbolchining "Manchester Yunayted" bilan amaldagi shartnomasi 2027 yilning iyuniga qadar mo‘ljallangan va yana bir yilga uzaytirilishi mumkin. Shu bilan birga, u "qizil iblislar" kelajagi uchun almashtirib bo‘lmaydigan futbolchi hisoblanmaydi.

Joriy mavsumda Maynu “Manchester Yunayted” safida barcha turnirlarda 25 ta o‘yinda maydonga tushib, 1 ta gol va 1 ta golli uzatmaga mualliflik qilgan.