Yarim himoyachi Oriol Romeu ijara shartnomasida taqiq borligiga qaramay, "Jirona" safida "Barselona"ga qarshi o‘ynashi mumkin.
Michel jamoasi o‘rta chiziqda kadrlar masalasida muammolarga duch kelmoqda - shu sababli "ko‘k-anorranglilar"ga tegishli Romeu "Barselona"ga qarshi o‘yinda maydonga tushishi mumkin. Ijara shartlariga ko‘ra, agar xavbek o‘zaro o‘yinda maydonga tushsa, "Jirona" "Barsa"ga 300 ming yevro jarima to‘lashi kerak bo‘ladi, deb xabar beradi Sport. Kataloniyaning ikki jamoasi o‘rtasidagi bahs 30 mart, yakshanba kuni bo‘lib o‘tadi.
Oriol Romeuning ijarasi mavsum oxirigacha mo‘ljallangan. 33 yoshli himoyachi joriy mavsumdan buyon barcha musobaqalarda 24 ta o‘yinda ishtirok etdi.
