Kilian Mbappe La Liga mavsumidagi 21 va 22-gollarini urdi.
"Real" hujumchisi Ispaniya chempionatining 29-turida "Leganes"ga qarshi bahsda 32-daqiqada penaltidan unumli foydalanib, hisobni ochdi. Ikkinchi bo‘limda u jarima zarbasidan gol urdi.
26 yoshli fransuz turnir to‘purarlari ro‘yxatida ikkinchi o‘rinni egallab turibdi. Undan faqat "Barselona" hujumchisi Robert Levandovski 23 ta gol bilan oldinda bormoqda.