Angliyaning “Vulverxempton” klubi hujumchisi Mateus Kunya qishki transfer oynasida nima uchun jamoani tark etmaganini tushuntirib berdi hamda joriy mavsum yakunida jamoani o‘zgartirmoqchi ekanligini ham aytib o‘tdi.

"Menga juda ko‘p takliflar bo‘lgandi, lekin ketsam, o‘zimni yaxshi his qilmasdim. Siz nazorat qila olmaydigan narsalar bor, ammo klubni mavsum o‘rtasida, qiyin vaziyatda, klub quyi ligaga tushib ketish zonasida bo‘lganida tark eta olmadim.

Biz endi maqsadimizga erishishga yaqinmiz. Ammo men keyingi qadamni qo‘yishim kerakligini aytdim. Men unvonlar, katta ishlar uchun kurashmoqchiman", - deya Kunyaning so‘zlarini keltiradi The Guardian.

O‘tkazilgan 29 ta o‘yindan so‘ng "Vulverxempton" 26 ochko to‘pladi va APL turnir jadvalida 17-o‘rinda bormoqda.