Англиянинг “Вулверхэмптон” клуби ҳужумчиси Матеус Кунья қишки трансфер ойнасида нима учун жамоани тарк этмаганини тушунтириб берди ҳамда жорий мавсум якунида жамоани ўзгартирмоқчи эканлигини ҳам айтиб ўтди.
"Менга жуда кўп таклифлар бўлганди, лекин кетсам, ўзимни яхши ҳис қилмасдим. Сиз назорат қила олмайдиган нарсалар бор, аммо клубни мавсум ўртасида, қийин вазиятда, клуб қуйи лигага тушиб кетиш зонасида бўлганида тарк эта олмадим.
Биз энди мақсадимизга эришишга яқинмиз. Аммо мен кейинги қадамни қўйишим кераклигини айтдим. Мен унвонлар, катта ишлар учун курашмоқчиман", - дея Куньянинг сўзларини келтиради The Guardian.
Ўтказилган 29 та ўйиндан сўнг "Вулверхэмптон" 26 очко тўплади ва АПЛ турнир жадвалида 17-ўринда бормоқда.
