29 mart – Samarqandga sayyoh sifatida kelgan amerikalik Zak Rosenfeld (Zack Rosenfeld) uchun unutilmas kunga aylandi.
Ko‘hna shaharga sayohatga kelgan AQSHlik sayyoh Samarqanddagi tashrifini yakunlab, qo‘shni Tojikistonga jo‘nab ketish arafasida edi. «Dinamo» libosini kiyib olgan amerikalik futbol ishqibozi 29 mart kuni «Dinamo» ishqibozlarining stadion yonidan Toshkentdagi «Paxtakor»ga qarshi o‘yinga borayotganini eshitgach, chegaradan ortga qaytib, so‘nggi pallada ularga ergashishga qaror qildi. O‘zining aytishicha, bu uning uchun hayotidagi unutilmas kunlardan biriga aylangan.
Zak Rosenfeld «Dinamo»ning ashaddiy ishqibozlari qatorida Toshkentda jamoani tinmay olqishlab turdi va g‘alabadan keyin muxlislar bilan poytaxtdan Samarqandgacha bayramona kayfiyatda qaytdi. «Dinamo» muxlisiga aylangan amerikalik sayyoh O‘zbekistondan bir olam taassurotlar bilan qaytganiga shubha yo‘q.













