"Fenerbaxche" chorak finalda o‘z maydonida "Galatasaroy"ga (1:2) imkoniyatni boy berib, Turkiya kubogini tark etdi.
O‘yindan keyin "sariq kanareykalar" ustozi Joze Mourinyo raqib jamoa bosh murabbiyi Okan Burukning burnidan tortdi va u maydonga yiqilib, og‘riqdan tipirchilay boshladi. Shundan so‘ng jamoalar o‘rtasida mushtlashuv boshlangan.
"Galatasaroy" Turkiya kubogi yarim finaliga chiqdi va "Konyaspor"ga qarshi bahs olib boradi. Yana bir yarim finalda "Trabzonspor" "Beshiktosh" - "Geztepe" uchrashuvi g‘olibiga qarshi maydonga tushadi.
